Mikilvægt er að háskóli sem námsmaður hyggur á nám í sé viðurkenndur af opinberum aðilum. Menntasjóður námsmanna lánar t.d. eingöngu til náms í viðurkenndum háskólum.
Mikilvægt er að ganga úr skugga um að skólinn sé lögleg stofnun og „accredited“ eða viðurkenndur. Gagnagrunnar leggja ekki gæðamat á skóla en staðfestir hvort stofnunin sé viðurkennd opinberlega. Við skólaleit ber að varast „sjóræningjasíður“ en auðvelt er að detta inn á þær ef skólaleit fer fram með því að „googla“ háskóla. Sjá má lista yfir viðurkennda skóla hér.
Hlutverk Menntasjóðs námsmanna er að tryggja þeim sem falla undir lögin um sjóðinn tækifæri til náms óháð efnahag. Sjóðurinn veitir lán til framhaldsnáms við skóla sem gera sambærilegar kröfur til undirbúningsmenntunar og gerðar eru til háskólanáms hérlendis.
Hjá Menntasjóði starfa ráðgjafar sem sérhæfa sig í námi í Bandaríkjunum. Ef skóli finnst ekki á listanum hjá Menntasjóði er hægt að senda fyrirspurn á netfangið [email protected] og verður þá athugað hvort skólinn sé lánshæfur.
Vefsíða Menntasjóðs
