Ævintýri í Suðurríkjum Bandaríkjanna! Fulbright Scholar in Residence styrkur til kennslu á sviði endurnýjanlegra orkugjafa við Harding University 2025-2026.
Fulbright stofnunin á Íslandi kallar eftir umsóknum um Fulbright Scholar in Residence (S-I-R) styrk til kennslu á sviði endurnýjanlegra orkugjafa við Harding University í Bandaríkjunum veturinn 2025-2026.
Styrkþeginn mun kenna námskeið um endurnýjanlega orku og loftlagsbreytingar við verkfræðideild Harding-háskóla í Arkansas. Námskeiðin verða miðað að nemendum í grunnámi í STEM-greinum, m.a. í ýmsum verkfræðigreinum og tölvunarfræði.
Umsóknarfrestur er 23. janúar 2025
Að auki mun styrkþeginn skipuleggja námsferð til Íslands fyrir nemendur á vorönn 2026 og taka þátt í mánaðarlegri fyrirlestrarröð við Harding Honors college þar sem tækifæri er fyrir nemendur í öllum námsgreinum að fræðast um endurnýjanlega orku.
Umsækjandi skal hafa hæfni til kennslu á háskólastigi og bæði tæknilega og akademíska þekkingu á endurnýjanlegri orku (þ.e. nýtingu jarðhita og vatnsafls). Meistaragráða er skilyrði, en æskilegt er umsækjandi hafi lokið doktorsprófi. Fræðimenn úr öllum STEM-greinum er hvattir til að sækja um, en einnig kæmu til greina umsækjendur á sviði viðskipta- og hagfræði ef þeir hafa haldbæra þekkingu á endurnýjanlegum orkugjöfum.
Harding University er lítill “liberal arts” háskóli með tæplega 5000 nemendur og er staðsettur í háskólabænum Searcy, Arkansas, sem er í um 50 mínútna aksturfjarlægð frá Little Rock, Arkansas og tæplega 2 tíma fjarlægð frá Memphis, Tennessee. í Arkansas má m.a. finna Ouachita og Ozarks fjöllin og sjö þjóðgarða, auk fjölda annarra náttúru- og útivistaperla.
Styrkurinn hentar vel fyrir fjölskyldufólk, því stöðunni fylgja ýmis fríðindi, t.d. niðurgreitt húsnæði og aukagreiðslur fyrir styrkþega með maka og/eða börn, og er háskólinn í fjölskylduvænu umhverfi.
Þetta er einstakt tækifæri fyrir fræðimenn og sérfræðinga með smá ævintýraþrá og áhuga á að deila þekkingu og reynslu Íslendinga af endurnýjanlegum orkugjöfum og kynnast um leið háskólaumhverfinu í suðurhluta Bandaríkjanna sem rómaður er fyrir gestrisni, tónlist og góðan mat.
Þegar notandi skráir sig í fyrsta sinn þarf að gefa upp netfang, sem kerfið notar til að senda nauðsynlegar upplýsingar til umsækjanda. Umsækjandi velur „Fulbright Scholar-in-Residence Program“ úr fellilista yfir styrki. Í fyrstu valmynd (SIR Preliminary Questions) er svo mikilvægt að velja „Iceland“ og „Recruited Scholar-in-Residence“ í fellilistunum.
Mikilvægt er að lesa vel leiðbeiningar um það hvernig fylla á út umsóknina og hvernig á að senda meðmælendum tengla svo þeir geti skilað meðmælum á viðeigandi hátt.
Umsóknarfrestur fyrir skólaárið er 23. janúar 2025.
Hefja umsóknMánaðarlegur framfærslustyrkur er $3,164 (ath. að framfærslukostnaður er lágur á þessu svæði).
Mögulegt er að fá niðurgreitt rúmgott 3-4 herbergja húsnæði á háskólasvæðinu ($500 á mánuði), sem hentað gæti fræðimönnum með fjölskyldu. Húsnæðið er fullútbúið með húsgögnum og nettengingu. Einnig er ódýrt að búa off-campus í nágrenni háskólans.
Ofan á framfærslustyrkinn leggst eftirfarandi:
Fylgigögn með umsókn:
Umsóknarfrestur er 23. janúar 2025.
Nánari upplýsingar má fá með því að hafa samband við [email protected] eða í síma 551 0860.
