Aðalfundur FFSÍ 2022 – Dagskrá

Aðalfundur Félags Fulbright styrkþega á Íslandi (FFSÍ) verður haldinn mánudaginn 21. febrúar 2022 kl. 16:00.

Fundurinn verður aðgengilegur í gegnum fjarfundarforritið Zoom, smellið hér til að opna hlekkinn á fundinn.
(Athugið að ekki er nauðsynlegt að hafa sjálft forritið í tölvunni ykkar, það er nóg að smella á hlekkinn í fundarboðinu til að opna fundinn)

Opnað verður fyrir fundinn kl 15:50 og fundurinn hefst tímanlega kl 16:00.

Dagskrá fundarins verður eftirfarandi:

1. Setning fundar, kosning fundarstjóra og ritara
2. Skýrsla stjórnar
3. Skýrsla gjaldkera, afgreiðsla ársreikninga
4. Lagabreytingar: Ein breytingatillaga verður lögð fram (sjá fyrir neðan dagskrá)
5. Kosning formanns
6. Kosning annarra stjórnarmanna
7. Kosning tveggja skoðunarmanna reikninga
8. Önnur mál

Eftirfarandi tillaga að breytingu á grein 5.2 í lögum FFSÍ verður lögð fyrir fundinn:

Grein 5.2 er svohljóðandi:
Aðalfundur kýs formann og 6 stjórnarmenn. Eftir kjör skiptir stjórnin með sér verkum sem hér segir: varaformaður, ritari, gjaldkeri og þrír meðstjórnendur.

Tillagan er að hún verði á þessa leið:
Aðalfundur kýs formann og 4 til 6 stjórnarmenn. Eftir kjör skiptir stjórnin með sér verkum sem hér segir: varaformaður, ritari, gjaldkeri og einn til þrír meðstjórnendur.

Athugið að til að breytingartillagan þarf að 2/3 hluta greiddra atkvæða á aðalfundi til að verða að lögum.

Stjórn FFSÍ hvetur alla félagsmenn til að mæta á fundinn. Við hvetjum alla áhugasama til að bjóða sig fram til stjórnarsetu.

Lög FFSÍ