Aðalfundur FSSÍ 2024 – Dagskrá

Fimmtudaginn 29. febrúar kl. 17:00.

Aðalfundur Félags Fulbright styrkþega á Íslandi (FFSÍ) verður haldinn fimmtudaginn 29. febrúar 2024 kl. 17:00.

Fundurinn verður haldinn á skrifstofu Fulbright stofnunarinnar að Laugavegi 13, 101 Reykjavík – 2 hæð (gengið inn frá Smiðjustíg).

Einnig verður hægt að taka þátt í fundinum rafrænt á Zoom: https://us02web.zoom.us/j/89062574082

Fundurinn hefst tímanlega kl 17:00.

Dagskrá fundarins verður eftirfarandi:

1. Setning fundar, kosning fundarstjóra og ritara
2. Skýrsla stjórnar
3. Skýrsla gjaldkera, afgreiðsla ársreikninga
4. Lagabreytingar: Breytingatillögur á 1. og 2. grein laga FFSÍ verða lagðar fram (sjá fyrir neðan dagskrá)
5. Kosning formanns
6. Kosning annarra stjórnarmanna
7. Kosning tveggja skoðunarmanna reikninga
8. Önnur mál

Eftirfarandi tillögur að breytingum á lögum FFSÍ verða lagðar fyrir fundinn:

1. grein er svohljóðandi:

1. gr. Heiti félagsins og varnarþing.
Félagið heitir Félag Fulbright styrkþega á Íslandi. Gagnvart erlendum samstarfsaðilum heitir félagið The Fulbright Alumni Association in Iceland.
Heimili og varnarþing félagsins er í Reykjavík. Félagið hefur aðsetur og starfsaðstöðu á skrifstofu Fulbright stofnunarinnar.

Lagt er til að 1. grein verði:

1. gr. Heiti félagsins og varnarþing.
Félagið heitir Félag Fulbright-styrkþega á Íslandi. Gagnvart erlendum samstarfsaðilum heitir félagið The Fulbright Alumni Association in Iceland.
Heimili og varnarþing félagsins er í Reykjavík. Félagið hefur aðsetur og starfsaðstöðu á skrifstofu Fulbright stofnunarinnar.

2. grein er svohljóðandi:

2. gr. Tilgangur félagsins.

Tilgangur félagsins endurspeglar tilgang Fulbright verkefnisins. Í því felst meðal annars að:

að leiða saman núverandi og fyrrverandi Fulbright styrkþega með hugmyndafræði J. William Fulbright, stofnanda samtakanna, að leiðarljósi, þ.e. að stuðla að betra mannlífi og friði með menntun, aukinni þekkingu og samfélagsvitund;

að efla starfsemi Fulbright stofnunarinnar;

að styrkja og efla samskipti bandarískra og íslenskra Fulbright styrkþega;

að efla menningar- og vináttutengsl Íslands og Bandaríkjanna.

Lagt er til að 2. grein verði:

2. gr. Tilgangur félagsins.

Tilgangur félagsins endurspeglar tilgang Fulbright-verkefnisins. Í því felst meðal annars:

að leiða saman núverandi og fyrrverandi Fulbright-styrkþega með þá hugmyndafræði að leiðarljósi, þ.e. að stuðla að betra mannlífi og friði með menntun, aukinni þekkingu og samfélagsvitund;

að efla starfsemi Fulbright stofnunarinnar;

að styrkja og efla samskipti bandarískra og íslenskra Fulbright-styrkþega;

að efla menningar- og vináttutengsl Íslands og Bandaríkjanna.

Athugið að breytingartillögur þurfa að 2/3 hluta greiddra atkvæða á aðalfundi til að verða að lögum.

Stjórn FFSÍ hvetur alla félagsmenn til að mæta á fundinn. Við hvetjum öll áhugasöm til að bjóða sig fram til stjórnarsetu.